【中醫教路 — 你屬於咩體質(一)?】
14.10.18
講到中醫,大家覺得最困擾嘅一定係「自己屬於咩體質」
皆因要知道自己體質,先能對症下藥,改善身體
今日就先同大家睇下頭4個常見體質
1. 平和質
平和質可以話係最理想體質。平和質嘅人通常氣血調和、面色紅潤、精力充沛。
除左面色好,頭髮亦望落有光澤、雙唇紅潤、舌色淡紅、脷苔薄白。
平和質人士一般唔怕熱、亦唔怕凍,睡眠質素良好
整體黎講,平和質人士較少患病
2. 氣虛質
氣虛朋友仔通常元氣不足。最明顯徵狀就係好易攰、氣短、自汗(無故出汗)、舌色淡紅
氣虛人士亦較易患感冒、有內臟下垂問題;而且病後復原時間較長
整體黎講,體質平和人士怕風、寒、暑、濕邪
3. 陽虛質
陽虛朋友仔通常陽氣不足。常見徵狀包括:怕凍、手腳冰冷、精神不振、舌色較淡、舌頭胖嫩
陽虛人士易有痰飲(體內水份運行異常)、水脹、肚瀉
整體黎講,陽虛人士不怕暑,但怕風、寒、濕邪
4. 陰虛質
陰虛朋友仔體型一般偏瘦,經常飲凍飲。常見徵狀例如:唾液分泌不足、口乾、手足心熱、大便乾燥、失眠易攰、舌色偏紅
整體黎講,陰虛人士不怕冷,但怕暑、熱、燥邪
今日就同大家睇左4個常見體質,下次再同大家分析另外4個常見體質,敬請期待!
【小預告:下次同大家睇埋痰濕質、濕熱質、血瘀質同埋氣鬱質 4個體質】
