【好茶教室—薏米】
15.12.18
薏米可以祛濕 係一個吸引好多人飲薏米水嘅原因
但用錯薏米可能達唔到你想要嘅效果 你又知唔知？
薏米有三種：生薏米、熟薏米、洋薏米
洋薏米做唔到祛濕清熱功效 不過可以促進腸道蠕動，紓緩便秘
而生薏米同熟薏米兩者都可以利水滲濕，不過分別在於：
生薏米偏寒，能夠清熱健脾、消腫排膿
適合有痰濕或濕熱人士服用。
而熟薏米性質平和，能夠健脾祛濕、止瀉
去脾胃燥濕表現比生薏米更佳
適合濕熱、氣虛、陽虛、血虛、痰濕人士服用
不過本身脾胃差朋友仔應少食生薏米；
如果有便秘問題嘅話，亦應少食熟薏米；
孕婦亦要忌薏米 因為薏米可令子宮收縮
